Wurkbesite FNP Achtkarspelen oan bestjoer fan H. en I. Surhústerfean

SURHÚSTERFEAN – In grutte delegaasje fan fraksje en bestjoer FNP Achtkarspelen is moandei 26 febrewaris yn petear west mei it bestjoer fan Hannel en Yndustry (H. en I.) út Surhústerfean. De FNP hie H. en I. Surhûsterfean útnoege foar in goed gesprek en dizze moeting fûn pleats yn horecasaak ‘It Stee’ foar iters en drinkers.

Under it genot fan in bakje kofje waar it H. en I. bestjoer wolkom hjitten troch Rein v/d Wal nammens de FNP. Hy sei dat de FNP Achtkarspelen graach witte wol wat der libbet yn de doarpen en dat Surhústerfean in wichtich doarp is foar de FNP. Hy joech doe it wurd oan de foarsitter fan H. en I. de hear Ale Procee om wat te fertellen oer it wurk fan H. en I. en oer harren plannen en winsken foar Surhústerfean.

Ale Procee fertelde dat hy grutsk op syn doarp is. Surhústerfean is in regiokern mei in grut winkel sintrum, wêr’t in hiel protte minsken mei nocht komme te winkeljen. As we dit fest hâlde wolle, dan sil der wol wat barre moatte. Dan sil it winkelsintrum de kommende jierren in facelift hawwe moatte. In rekonstruksje fan it sintrum is seker noadich foar de útstraling fan it doarp.

Ek moat de gemeente Achtkarspelen derom tinke, dat der genoch yndustrie-terrein yn Surhústerfean foarriedich is. In 2e ôfslach fan it yndustrieterrein nei de Skieding ta, soe bygelyks ek in goede saak wêze. In oar punt wat oan de oarder kaam is dat Surhústerfean dringend ferlet hat fan wentebou. Nije hûzen foar de âlderein, mar ek foar de jongerein. Oars gean oare regiokernen ús foarby. In protte minsken wolle wenjen yn Surhústerfean, mar kinne op dit stuit gjin hûs yn Surhústerfean keapje of hiere. Dit moat echt oars !

Surhústerfean hat der gjin ferlet fan om in krimpregio te wurden. Dus der moat bouwd wurde! Der ûntsie in libbendige diskusje tusken bestjoer H. en I. en de delegaasje fan FNP oer al dizze saken. Beide partijen wienen it mei inoar iens dat Surhústerfean de kommende jierren seker ekstra oandacht fertsjinnet om har wichtige rol as regiokern te behâlden. Dêrom is in goed ûnderling kontakt nedich tusken Surhústerfean en de polityk fan Achtkarspelen.

De FNP’ers betanken oan it ein fan it gesprek, it bestjoer fan H. en I. foar dizze diskusje byienkomst en hun tiid plus ynset foar Surhústerfean.